Берма армийиси кокаң қошунлириға давамлиқ зәрбә бәрмәктә

Ройтерс агентлиқиниң хәвәр қилишичә, бирма чегриси ичидики хитай миллитиниң алаһидә аптономийилик райони кокаң районида хитай миллитиниң қораллиқ қошуни билән бирма һөкүмәт армийиси арисидики урушлар давамлашмақта.
Мухбиримиз үмидвар
2009-08-31
Share

Хитай тилида гуогән, инглиз тилида кокаң дәп аталған бу җай берма тәвәсидики хитай көчмәнлири үчүн қуруп берилгән аптономийилик район болуп, у берма һөкүмитигә тәвә болсиму, бирақ берма һөкүмити тәрипидин уларға өзлирини өзлири идарә қилиш һоқуқлири берилгән һәтта мәзкур җайниң өз алдиға һәрбий қошун тәсис қилишиға рухсәт қилинған иди.

Кокаң районидики йәрлик қошун билән һөкүмәт қошуни арисида тоқунуш йүз бәргәндин кейин, берма һөкүмәт армийисиниң қаттиқ зәрбисигә учрап, нәтиҗидә көп сандики кокаң әскәрлири хитай территорийисигә ичигә қечип киргәндин кейин, өзлириниң әслидики йешил һәрбий кийимлирини пуқралар кийимигә алмаштуруп, мусапирлар лагирлириға орунлаштурулған.

Б б с агентлиқиниң бу һәқтики хәвиридә көрситилишичә, һазирчә 30 миң әтрапида хитай көчмини бирма чегрисидин өтүп, хитай чегриси ичигә қечип кирип панаһланмақта. Хоңкоңда чиқидиған "венхуйбав" гезитини кокаң райониниң рәиси пеңҗяшеңниң из - дерики йоқлуқи, бәлки униң қечип кәтгәнликини билдүргән болса, "йәр шари вақти" гезити мәзкур киши билән алақә орнитилғанлиқи, униң һазир берма тәвәсидә давамлиқ кокаң қошунлириға қоманданлиқ қилип, берма һөкүмәт армийиси билән җәң қиливатқанлиқини хәвәр қилған.

Б б с агентлиқиниң хәвиридә ейтилишичә, кокаң райони һазир берма һөкүмәт армийиси тәрипидин асасән дегүдәк игиләнгән болуп, хитайға қечип кәлгән кокаң қораллиқ әскәрлири өзлириниң тақабил туралмайдиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт