Bérma armiyisi kokang qoshunlirigha dawamliq zerbe bermekte

Roytérs agéntliqining xewer qilishiche, birma chégrisi ichidiki xitay millitining alahide aptonomiyilik rayoni kokang rayonida xitay millitining qoralliq qoshuni bilen birma hökümet armiyisi arisidiki urushlar dawamlashmaqta.
Muxbirimiz ümidwar
2009-08-31
Share

Xitay tilida gu'ogen, in'gliz tilida kokang dep atalghan bu jay bérma tewesidiki xitay köchmenliri üchün qurup bérilgen aptonomiyilik rayon bolup, u bérma hökümitige tewe bolsimu, biraq bérma hökümiti teripidin ulargha özlirini özliri idare qilish hoquqliri bérilgen hetta mezkur jayning öz aldigha herbiy qoshun tesis qilishigha ruxset qilin'ghan idi.

Kokang rayonidiki yerlik qoshun bilen hökümet qoshuni arisida toqunush yüz bergendin kéyin, bérma hökümet armiyisining qattiq zerbisige uchrap, netijide köp sandiki kokang eskerliri xitay térritoriyisige ichige qéchip kirgendin kéyin, özlirining eslidiki yéshil herbiy kiyimlirini puqralar kiyimige almashturup, musapirlar lagirlirigha orunlashturulghan.

B b s agéntliqining bu heqtiki xewiride körsitilishiche, hazirche 30 ming etrapida xitay köchmini birma chégrisidin ötüp, xitay chégrisi ichige qéchip kirip panahlanmaqta. Xongkongda chiqidighan "wénxuybaw" gézitini kokang rayonining re'isi péngjyashéngning iz - dériki yoqluqi, belki uning qéchip ketgenlikini bildürgen bolsa, "yer shari waqti" géziti mezkur kishi bilen alaqe ornitilghanliqi, uning hazir bérma teweside dawamliq kokang qoshunlirigha qomandanliq qilip, bérma hökümet armiyisi bilen jeng qiliwatqanliqini xewer qilghan.

B b s agéntliqining xewiride éytilishiche, kokang rayoni hazir bérma hökümet armiyisi teripidin asasen dégüdek igilen'gen bolup, xitaygha qéchip kelgen kokang qoralliq eskerliri özlirining taqabil turalmaydighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet