بېرمىدىن ئونمىڭلىغان خىتاي يۈننەنگە قېچىپ كەلمەكتە

ب ب س نىڭ بايان قىلىشىچە، يېقىندىن بۇيان بېرمىنىڭ گوگەن رايونىدا، ھۆكۈمەت قىسىملىرى بىلەن بۇ دۆلەتتە 'ئاز سانلىق مىللەت' دەپ ئاتىلىۋاتقان خىتايلار ئوتتۇرىسىدا جىددىي توقۇنۇشلار يۈز بېرىشكە باشلىدى ۋە سەيشەنبە كۈنىدىن باشلاپ، بۇ رايوندىن ئونمىڭلىغان ئادەم خىتاينىڭ يۈننەن ئۆلكىسىگە قېچىپ كەلمەكتە.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2009-08-26
Share

باش ئورگىنى ۋاشىنگتوندىكى بېرما ھەرىكىتى تەشكىلاتنىڭ بايان قىلىشىچە، بېرما ھۆكۈمىتى 8‏ - ئاينىڭ 8 ‏ - كۈنى، خىتايلار كۆپ سانلىقنى ئىگىلىگەن گوگەن رايونىغا ئەسكەر كىرگۈزگەندىن كېيىن، بۇ رايوندا جىدىي توقۇنۇش يۈز بېرىشكە باشلىغان.

گەرچە بۇ رايوندا 20 يىلدىن بۇيان كەڭ كۆلەملىك مىللىي توقۇنۇش يۈز بەرمىگەن بولسىمۇ، ئەمما بۇ رايوندا كۆپ سانلىقىنى ئىگىلىگەن خىتايلار، بېرمىدا ئېلىپ بېرىلغان سايلاملاردا ھېچقانداق پايدا ئالالماي كەلگەنلىكتىن، ھۆكۈمەتكە قارىتا قوراللىق قارشىلىق كۆرسىتىشنى توختاتمىغان ئىدى.

تۈنۈگۈندىن باشلاپ بۇ رايوندىن ئونمىڭلىغان ئادەمنىڭ خىتايغا قېچىپ كېلىشكە باشلىغانلىقى، بۇ يىل بېرمىدا چوڭ سايلام ئۆتكۈزۈلۈش ئالدىدا تۇرغاندا، بېرما ھۆكۈمىتى بۇ رايوندا ئۆزىگە قارشىلىق كۆرستىۋاتقان كۈچلەرنى بوي سۇندۇرۇش ئۈچۈن، ئەسكەر ئەۋەتىپ باستۇرۇش چارىسىنى قوللانغاندىن كېيىن يۈز بەرگەن.

خەۋەردە ئېيتىلىشىچە، بېرمىنىڭ گوگەن رايونىدىن يۈننەنگە قېچىپ كېلىۋاتقان خىتايلارغا، خىتاي ھۆكۈمىتى تەرىپىدىن سىياسىي پاناھلىق بېرىلگەن ياكى بېرىلمىگەنلىكى تېخىچە نامەلۇم.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت