Béyjingda tebrik dramsalada namayish

Xitay hökümiti béyjingda kommunst partiye tibette hakimiyet yüz güzgenlikining 50 yilliqini tebrikligende, muhajirettiki tibetler dramsalada namayish qildi.
Muxbirimiz weli
2009-03-28
Share

Birleshme agéntliqining dramsaladin bayan qilishiche, xitay béyjingde 'qullarni azad qilghan kün'ni tebrikligende, muhajirettiki tibetler dramsalada , xitayning tibetni ishghal qilghanliqigha qarshi namayish ötküzdi.

Namayishta tibetning dölet bayriqini bayriqini igiz kötürüp, xitay eskerlirining himalaya rayonida tibetlerni qirghanliqini körgezme qilip, 'ellik yilliq zulumni toxtat', 'tibetke erkinlik' dep jarangliq shu'ar towlap mangdi.

Ular kechte yene sham kötürüp namayish qilip, mushu 50 yil ichide hayatidin ayrilghan we türmige tashlan'ghan bir milyondin artuq tibet xelqni eslidi, tibette din, medeniyet we muhit buzghunchiliqqa uchrighanliqigha échinish ipadilidi.

Bashqa döletlerde turuwatqan tibetlermu herxil pa'aliyet oyushturup, mushu ellik yilda , tibetler dini étiqat erkinlikidin, kishilik hoquqidin mehrum qaldurulghanliqi, tibetning medeniyet jehettiki kimliki yuqutulup xitaylashturush yolgha qoyulghanliqining pakitlirini otturigha qoyup, xitay hökümitige lenet yaghdurdi.

Xitay hökümiti bolsa béyjingdiki büyük xelq sariyida , xitay kommunist partiyisi tibetke hökümranliq qiliwatqan 50 yilini, tibettiki fi'odal mustebit tüzümni aghdurup, qullarni azd qilip, tibetke iqtisadiy tereqqiyat élip kelgen 50 yil dep teshwiq qildi.

Fransiye agéntliqning bayan qilishiche, xitay hökümiti tibetke hökümranliq qiliwatqan 50 yilini tebriklesh pa'aliyitide, bir tereptin özi mensepke qoyghan 19 yashliq kommunist benchen lamani teshwiqat qorali qilip qollansa, shuning bilen bir waqitta yene, tibette özinng qoralliq köchini téximu köp ashkarilap, tibet yurtlirida wehime peyda qildi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet