بېيجىڭدىكى ئۇيغۇر ئاشخانىسدا گاز پارتلاپ يارىلانغانلار داۋالىنىۋاتقان دوختۇرخانىنى ساقچىلار قورشىۋالغان

بۇنىڭ بىلەن، بېيجىڭ ئاھالىلىرىنىڭ دىققىتى بىردىنلا تيەنئەنمېن ئەتراپىدىن، شىنجېكۇ كوچىسىدىكى ئۇيغۇر ئاشخانىسىغا بورالدى. خىتاينىڭ ساقچى دائىرىلىرى، بۇ ۋەقەدە 5 ئادەم يارىلاندى، دەپ بايان قىلدى.

خوڭكوڭدا چىقىدىغان 'مىڭپاۋ گېزىتى'نىڭ بايان قىلىشىچە، شىنجېكۇ كۇچىسىدىكى ئۇيغۇر ئاشخانىسىدا گاز پارتلاش ۋەقەسى يۈز بەرگەندىن كېيىن، بۇ گېزىتنىڭ مۇخبىرى، يارىلانغان كىشىلەرنىڭ بېيجىڭ جىشۇيتەن دوختۇرخانىسىغا ئېلىپ كېلىنگەنلىكىنى كۆرگەن. دوختۇرخانا خادىمى 'ئۈستى - بېشى قانغا مىلەنگەن 18 نەپەر يارىدار كەلدى، بۇنىڭ ئىچىدە ئىككى نەپەر كىچىك بالا بار، بىر ياشانغان ئادەم دوختۇرخانىغا ئېلىپ كېلىنگەندىن كېيىن ھۇشسىزلاندى، بۇ دوختورخانىدا ئايالىنى داۋالىتىۋاتقان بىر كىشىمۇ ئۇيغۇر ئاشخانىسىدا يارىلانغاندىن كېيىن، ھازىر بۇ دوختۇرخانىنىڭ بىمارى بولۇپ قالدى ' دېگەن.

شۇنىڭدىن كېيىنلا، بۇ دوختۇرخانىنىڭ 7 ‏ - نومۇرلۇق بىناسىدىكى 2119 نومۇرلۇق كېسەلخانىنى ساقچىلار قورشىۋالغان. ساقچىلار ھازىر بۇ جايغا مۇخبىرلارنىڭ كېلىشىنى چەكلەپ قالماي، بەلكى بۇ كېسەلخانىغا كەلگەن ھەر قانداق ئادەمنى توساپ تەكشۈرۈۋاتىدۇ.