Бир қисим уйғур торбәтлири ечилди

Хитай һөкүмити 2 айниң алдида интернетниң ечилидиғанлиқини елан қилған иди. Бүгүнки тәкшүрүшлиримиздин қариғанда, хәлқ ичидә бәк тонулмиған һәм сиясий темиларда сәһипә ачмиған аз сандики бир қисим тор бәтләрниң ечилғанлиқи, диярим тори, шәбнәм тори, сәлкин тори, қаштеши тори қатарлиқ уйғурлар ичидә кәң даиридә көрүлгән вә һөрмәткә сазавәр болған тор бәтләрниң техичә ечилмиғанлиқи мәлум болди.
Мухбиримиз шоһрәт һошур
2010-02-23
Share

Ечилған тор бәтләрниң көп қисминиң уйғур елидики әмәс, бәлки хитайниң ички өлкилиридики интернет мулазимәт аппарати арқилиқ ишләватқанлиқи мәлум болди. Хитай һөкүмити 5 ‏- июл вәқәсиниң келип чиқиш сәвәбини интернет қатарлиқ учур алақә вастилиридин көргән вә вәқәдин кейинки баянатида уйғурбиз тор бети билән диярим тор бетини вәқәни күшкүртти дәп әйиблигән иди.

Уйғурчә интернет мулазимити нөвәттә хитай һакимийити астидики милләтләр арисида иккинчи чоң мулазимәт тили болуп, бу уйғурларниң сиясий, иқтисадий вә иҗтимаий турмушиға зор тәсир көрситиватқан, болупму уйғурларниң сиясий еңиниң йүксилишигә чоң тәсир көрситиватқан иди.

Хитайниң уйғур тор бәтлиригә йол қоюшта қәдәмни аста елишидин хитай һөкүмитиниң, уйғур районидики һакимийитигә қарита интернетни чоң бир тәһдит дәп қараватқанлиқи испатланмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.