Bir qisim Uyghur torbetliri échildi

Xitay hökümiti 2 ayning aldida intérnétning échilidighanliqini élan qilghan idi. Bügünki tekshürüshlirimizdin qarighanda, xelq ichide bek tonulmighan hem siyasiy témilarda sehipe achmighan az sandiki bir qisim tor betlerning échilghanliqi, diyarim tori, shebnem tori, selkin tori, qashtéshi tori qatarliq Uyghurlar ichide keng da'iride körülgen we hörmetke sazawer bolghan tor betlerning téxiche échilmighanliqi melum boldi.
Muxbirimiz shohret hoshur
2010-02-23
Share

Échilghan tor betlerning köp qismining Uyghur élidiki emes, belki xitayning ichki ölkiliridiki intérnét mulazimet apparati arqiliq ishlewatqanliqi melum boldi. Xitay hökümiti 5 ‏- iyul weqesining kélip chiqish sewebini intérnét qatarliq uchur alaqe wastiliridin körgen we weqedin kéyinki bayanatida Uyghurbiz tor béti bilen diyarim tor bétini weqeni küshkürtti dep eyibligen idi.

Uyghurche intérnét mulazimiti nöwette xitay hakimiyiti astidiki milletler arisida ikkinchi chong mulazimet tili bolup, bu Uyghurlarning siyasiy, iqtisadiy we ijtima'iy turmushigha zor tesir körsitiwatqan, bolupmu Uyghurlarning siyasiy éngining yüksilishige chong tesir körsitiwatqan idi.

Xitayning Uyghur tor betlirige yol qoyushta qedemni asta élishidin xitay hökümitining, Uyghur rayonidiki hakimiyitige qarita intérnétni chong bir tehdit dep qarawatqanliqi ispatlanmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet