Birleshme armiye liwiye qoshunlirini bombardiman qilishni dawamlashturdi

Amérika, fransiye we en'gliye qatarliq ellerni öz ichige alghan birleshme küchler liwiye hökümet armiyisining bir qisim herbiy nuqtiliri we eslihelirini bombardiman qilishni bashlighandin kéyin, yekshenbe küni yene bir qétim hawa hujumi élip bardi.
Muxbirimiz ümidwar
2011.03.20
Share on WhatsApp
Share on WhatsApp

En'gliye b b s agéntliqining xewer qilishiche, 19 dane amérika herbiy ayropilani yekshenbe küni seherde liwiye quruqluq qisimlirigha hem ularning hawa mudapi'e eslihelirige hujum qozghighan bolup, bu hujumgha 3 dane radarda körünmes bombardimanchi ayropilanmu qatnashturulghan.
Fransiye agéntliqining xewer qilishiche, bu hujumda bén'gazi shehirining gherbiy qismigha orunlashqan kazafiy qisimlirining bir qanche on dane aptomobili we tankiliri weyran qilin'ghan.

Amérika qoralliq küchliri shtab bashliqi liwiyide élip bérilghan bu deslepki herbiy heriketlerning muweppeqiyetlik bolghanliqi, emdi kazafiy qoshunlirining bén'gazining gherbiy qismigha qarap ilgiriliyelmeydighanliqini teripligen. En'gliye dölet mudapi'e wezirimu herbiy heriketke qatnashqan uchquchilarning muweppeqiyet qazan'ghanliqini bildürgen.

Ikki künlük bu hujumlarda liwiye hökümet küchlirining köpligen hawa mudapi'e esliheliri weyran qilin'ghan bolup, mezkur herbiy heriketke amérika, en'gliye, fransiye, italiye, kanada qatnashqan bolup, bu bir qétimliq xelq'araliq birleshme herbiy heriket hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet