Һилларий килинтон бермиға қаритилған бәзи җаза тәдбирлириниң әмәлдин қалдурулидиғанлиқини җакарлиди

Америка дөләт ишлири министири һилларий килинтон бүгүн берма һөкүмитиниң сиясий ислаһатлириға җавабән дуня банкиси қармиқидики хәлқара тәрәққият бирликиниң бермида ишхана ачидиғанлиқини вә бермиға әлчи әвәтидиғанлиқини елан қилди.
Мухбиримиз ирадә
2012-04-05
Share

Һилларий килинтон йәнә, америкиниң пат йеқинда бермиға қаратқан бәзи иқтисадий җаза тәдбирлирини әмәлдин қалдуруп, берма дөләт лидирлириниң америкини зиярәт қилишиға рухсәт қилидиғанлиқиниму қошумчә қилди.

Бермида өткән йәкшәнбә күни елип берилған толуқлима парламент сайлимида даңлиқ өктичи аң саң сучи ханимниң парламентқа кириши вә хәлқарадики мустәқил көзәткүчиләрниң сайламниң омумий җәһәттин адил елип берилғанлиқини билдүрүши демократик әлләрни мәмнун қилған иди.

Чаршәнбә күни яврупа иттипақиму бермиға қаратқан бәзи җаза тәдбирлирини әмәлдин қалдурушни пиланлаватқанлиқини җакарлиди. Әмма яврупа бирлики буниң берма билән болған сода мунасивәтлирини дәрһал башлайдиғанлиқини ипадә қилмайдиғанлиқини әскәртип, өзлириниң берма һөкүмитигә сиясий мәһбусларни қоюп бериши үчүн бесим ишлитишни давам қилидиғанлиқини ипадә қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт