"Бөриләр вадиси" ниң баш қәһримани полат әләмдар уйғурлар һәққидә филим ишләш хияли барлиқини билдүрди

"Бөриләр вадиси" намлиқ көп қисимлиқ телевизийә филимидә полат әмәлдарниң ролини елип даң чиқарған атақлиқ түркийә кино артиси ниҗати шашмаз, уйғурлар һәққидә филим ишләш хияли барлиқини билдүрди.
Мухбиримиз әркин
2011-01-28
Share

У түркийиниң әң чоң телевизийә қаналлиридин нтв дә явуз донатниң зияритини қобул қилип, буниңдин кейин ишләйдиған филимлириниң қайси мәсилә үстидә болидиғанлиқиға һазирчә ениқ бир немә дейәлмәйдиғанлиқини, лекин буниң боснийә, әзәрбәйҗан, вә яки уйғурлар һәққидә болуши еһтималлиқиму барлиқини билдүргән.

Нтв риясәтчиси буниңдин кейин ишләйдиған филимлириниң гуәнтанамо яки чечинийә темисида болидиған-болмайдиғанлиқини сориған иди. У филимлиридә "һәр вақит мәзлумниң йенидин орун елишни нишан қилғанлиқи"ни әскәртип, буниңдин кейин ишләйдиған филимлириниң боснийә, әзәрбәйҗандики ғоҗилар қәтлиами һәққидә боламду яки башқа бир темидиму буниңға һазирчә бир немә дейәлмәйдиғанлиқини, буниң сиртида уйғур түрклири дуч келиватқан қийинчилиқлар‏ вә әрзийәтләрниң барлиқини, уларниң йүз йилдин буян зулум астида яшаватқанлиқини билдүргән.

Ниҗати шашмаз өзиниң "бөриләр вадиси-пәләстин" намлиқ йеңи филиминиң йеқинда базарға селиниш мунасивити билән нтв риясәтчисиниң зияритини қобул қилған иди. Униң йеңидин базарға селинған бөриләр вадиси‏-пәләстин" намлиқ филими өткән йили йүз бәргән мави мармара кемә вәқәсини тема қилған болуп, филимдә полат әмәлдар вә униң адәмлириниң исраилийигә берип, мави -мармара вәқәсидин өч елиш җәряни һекайә қилиниду.

Лекин, мәзкур филим қоюлушқа башлиғандин кейин, ғәрб әллиридә талаш -тартиш қозғиған болуп, бәзи тәнқидчиләр бу филимдә йәһудийларға қарши анти-семитизм хаиши барлиқини илгири сүргән. Бу филимниң германийидә базарға селиниши дәл натсистларниң 2‏-дуня урушидики йәһудийлар қирғинчилиқини хатириләш күнигә тоғра келип қалған. Бу мунасивәт билән германийә филимни базарға селишни бир қанчә күн кечиктүрүп тәстиқлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт