Prézidént bush hakimiyet sorighan yillirida yolgha qoyghan siyasitini aqlidi

Amérika prézidénti jorj bush peyshenbe küni hakimiyettin ayrilishtin burun amérika xelqighe eng axirqi qétim téléwziye nutiqi sözlep, özining hakimiyet sorighan 8 yilda yolgha qoyghan siyasitini aqlidi.
Muxbirimiz erkin
2009-01-16
Share

Bush aqsaraydiki eng axirqi nutqida öz hökümitining iraq we afghanistan'gha démokratiye élip kelgenliki, amérikini yene bir qétim 11 ‏ - séntebir weqesige oxshash térrorluq hujumigha uchrashtin saqlighanliqini bildürdi.

Bush mundaq deydu: " afghanistan talibanlar el qa'idige chapan yapidighan, kochidiki ayallargha tash atidighan bir dölettin, térrorluqqa qarshi küresh qilidighan, qiz balilarni mektepte oqushqa righbetlendüridighan yash démokratik hakimiyetke aylandi." ...." Iraq bolsa shepqetsiz bir diktator hakimiyettin, amérika bilen düshmenlishishke qesem ichken bir dölettin, ottura sherqning kindigidiki amérikigha dost démokratik bir ereb hakimiyitige özgerdi."

Prézidént bush sabiq prézidént niksondin kéyin amérika xelq rayining eng az qollishigha érishken prézidént bolsimu, lékin özining her bir herikitide dölet menpe'etini közde tutqanliqini bildürdi.

U yene, " siler men chiqarghan bezi hel qilghuch qararlarni toghra tapmasliqinglar mumkin. Lékin silerning bu hel qilghuch qararlarni özemning chiqarghanliqigha qoshulushinglarni ümid qilimen."

Prézidént bush 20 ‏ - yanwar küni aqsaraydin resmiy ayrilip, ornini yéngi prézidént barak obamagha ötküzüp béridu. U téléwiziye nutqida yene, özining warisi obamaning kechürmishi " amérika wedisining uzun - muddetlik" likini namayen qilghanliqini bildürdi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet