Ху җинтав билән җорҗ буш телефонда сөзләшти

1 - Айниң 4 - күни кәчтә хитай рәиси ху җинтав билән америка президенти җорҗ буш телефонда сөзлишип, америка билән хитайниң дипломатик мунасивәт орнатқанлиқиниң 30 йиллиқини тәбриклиди.
Мухбиримиз үмидвар
2009.01.04

Хәвәрләрдә көрситилишичә, икки рәһбәр америка билән хитайниң дипломатик мунасивәт орнатқан 30 йилдин буянқи қолға кәлтүргән нәтиҗилиригә юқири баһа бәргән, ху җинтав бушниң икки дөләт мунасивәтлиридики актиплиқини мәдһийилигән.

Шинхуаниң ашкарилишичә, президент буш өткән 30 йил җәрянида америка билән хитайниң яхши һәмкарлишиш елип барғанлиқи, буниң тәбрикләшкә лайиқ икәнлики, һәтта өзиниң президентлиқ вәзиписини өтәш җәрянида ху җнтав билән яхши һәмкарлашқанлиқини тәкитлигән.

Ху җинтав йәнә нөвәттики хәлқара вәзийәт җүмлидин оттура шәрқ вәзийити, ғәззә районидики тоқунушни тилға елип, икки тәрәпниң һәмкарлишип, районда тинчлиқни әмәлгә ашуруш тиликини изһар қилған, б б с ниң хәвәр қилишичә, йәнә америка ташқи ишлар министири кондализа райис келәр һәптидә хитайни зиярәт қилидикән. Бу униң хошлишиш зиярити болуп қалидикән.

Президент буш вә ташқи ишлар рәһбири райис қатарлиқлар мушу айниң ахиридин етибарән вәзиписини йеңи президент барак обама вә униң кабинетиға өткүзүп бериду.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.