Буш ху җинтав билән хәлқара пул муамилә базири вәзийити һәққидә телефон сөһбити өткүзди

Ақ сарайниң баянатиға асасланғанда, америка президенти җорҗ буш дүшәнбә күни хитай рәиси ху җинтав билән телефон сөһбити өткүзүп хәлқара пул муамилә базириниң вәзийити һәққидә сөһбәт елип барған.
Мухбиримиз гүлчеһрә
2008-09-23
Share

Җорҗ буш ху җинтавға пул муамилә базирини тәңшәштә америка һөкүмитиниң америка дөләт мәҗлиси билән һәмкарлишип тәдбир қоллинидиғанлиқини чүшәндүргән.

Ху җинтав телефонда бушқа хитайниң америка пул муамилә базириға җиддий қараватқанлиқини, үнүмлүк тәдбир қоллиниш америка ички базирини һәмдә иқтисадини муқимлаштурушқа пайдилиқ болупла қалмай, хәлқара пул муамилә базириниң муқимлиқидиму чоң рол ойнайдиғанлиқини билдүргән.
Мәзкүр телефон диалоги елип берилишниң алдида буш һөкүмити кризиста қалған банкиларни қутулдуруш үчүн 700 милярд доллар пул аҗритишни қарар қилған иди.

Ройтерист ахбаратида көрситилишичә, америка иқтисади турақлиқи хитайниң ихтисадиғиму зор тәсир көрситидиған болуп, бу ялғуз хитайниң икки милярд америка доллири ташқи перивот записи болғанлиқидинла әмәс, хитай америка федерал заюми һәм йәр мүлүк ширкәт мәбләғлиригә игә болғанлиқтин, америкида йүз бериватқан иқтисадий кризис сәвәблик өзиниң зиянға учришидин әндишә қилмақта.

Буниң алдида иқтисадий кризисларниң тәсирини азайтиш үчүн, икки дөләт арисидики йеза игилик мәһсулатлири содиси, йимәк бихәтәрлики мәсилиси, мәһсулатларниң патент һоқуқи мәсилиси қатарлиқ көп тәрәплимә мәсилиләрни өз ичигә алған хитай - америка сода сөһбити өткүзүлгән иди.

Буш ху җинтав билән телефон сөһбити елип барғандин кейин йәнә, бүгүн әтигән тибәтләрниң диний вә сиясий даһиси далай ламаға мәхсус телефон қилип, далайниң тән сақлиқиға өзиниң һәм америкиниң алаһидә көңүл бөлидиғанлиқини билдүргән.
 

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт