Uyghur élide chaghan mezgilide yoluchilarning bixeterlik tekshürüshi kücheytildi

Shinxu'a tor bétining bügün 31-yanwardiki xewiridin melum bolushiche, 28-yanwardin bashlap yoluchilar qatnash béketliri, poyiz istansisi qatarliq jaylarda yoluchilarning yük taqlirigha qarita qattiq tekshürüsh yolgha qoyulidiken.
Muxbirimiz méhriban
2011-01-31
Share

Xewerde déyilishiche, ürümchi ayrodromining ayropilan kütüsh zaligha chamadan yaki somka élip kirgende, ikki qétim bixeterlik tekshürülidighanliqi uqturulghan.

Xewerdin melum bolushiche 28- yanwardin bashlap, ayrodrom mulazimet binasi aldigha yoluchilarni kütüwalghili we uzatqili kelgen aptomobillarning uzaq toxtishighimu yol qoyulmighan.

Uyghur aptonom rayonluq hökümet da'irilirining uqturushiche, yoluchilargha qaritilghan bu xil qattiq tekshürüsh xitayning memliketlik ikki yighini axirlashquche dawamlishidiken.

Chet'ellerdiki Uyghur teshkilatliridin dunya Uyghur qurultiyining bayanatchisi dilshat rishit ependi, bu heqte öz qarishini bayan qilip, "Uyghur aptonom rayon da'irilirining chaghan mezgilide bu xil bixeterlik tedbirlirini yillardikidin kücheytkenliki, xitay da'irilirining yéqindin buyan Uyghur rayoni weziyitidin téximu ensirewatqanliqining ipadisi" dep bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet