Хитайниң чағинида муһит еғир дәриҗидә булғанди

Хитайда чаған мәзгилидә етилған салйотлардин чиққан әхләт вә униңдин чиққан ис -түтәк муһитни еғир дәриҗидә булғиған. Бейҗиң вақти гезитиниң хәвиридин мәлум болушичә, пәқәт бейҗиң шәһириниң өзидила 80 миң тонна әхләт йиғилған болуп, бу әхләтләрни тазилаш үчүн җәмий 23 миң тазилиқ ишчиси ишлигән.
Мухбиримиз ирадә
2010.02.18

Игилинишичә йәнә, бу йил етилған салйотлардин келип чиққан әхләтниң миқдари өткән йилға қариғанда 11 тонна артқан.

Хитай муһитни еғир дәриҗидә булғаватқан дөләт болуш сүпити билән изчил һалда хәлқараниң тәнқидигә учрап келиватқан болуп, 2009 - йили копинһагенда ечилған хәлқара килимат йиғинидиму дуняға әң көп парник гази қоюп бериватқан дөләтләрниң бири болған хитайни башқа дөләтләр килимат сөһбитидә актип болмаслиқ билән әйиблигән, һәтта әнгилийиниң муһит ишлириға мәсул министири ед миллибанд әнгилийидә чиқидиған гардиян гезитидики мақалисидә, хитайни килимат йиғинида қарар чиқиришқа тосқунлуқ қилиш билән әйибләп, "хитай килимат сөһбитини гөрүгә еливелишқа урунди" дегән иди.

Радиомиз игилигән хәвәрләргә қариғанда, үрүмчидә чаған байрими мунасивити билән етилған салйотлар түпәйлидин үрүмчи асминини қапливалған ис - түтәк узунғичә йоқимиған болуп, бу хил әһвал үрүмчидики башқа милләт аһалилири арисида наразилиқ пәйда қилған. Чүнки үрүмчиниң муһити булғиниш дәриҗиси әслидила начар болғачқа, болупму қиш күнлири үрүмчидики пар қазанлириниң қалаймиқан болуши, даириләрниң муһит мәсилисигә болған тонушиниң төвән болуши сәвәблик үрүмчи асминини қилин ис - түтәк қаплап кетидиған болуп, бу хил әһвал кишиләрниң саламәтликигә еғир тәһдит пәйда қилмақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.