Чағанда уйғур елидин хитайға әмгәк күчлирини йөткәш күчәйтилди

Қәшқәр һөкүмәт учур торидин ашкарилинишичә, хитайниң чаған байрими келиши билән,хитай һөкүмити уйғур әмгәк күчлирини хитай өлкилиригә йөткәшни техиму күчәйткән болуп, қәшқәрниң поскам наһийисидинла 700 нәпәр деһқан әмгәк күчлирини йиққан болуп улар мушу бир нәччә күн ичидә хитайниң шәндуң, җяңсу қатарлиқ өлкилиридики завутларға йолға селинидикән.
Мухбиримиз гүлчеһрә
2009-01-27
Share

Қәшқәрдики әмгәк күчи йөткәшкә мәсул даириләр,әмгәк күчлирини хитайға йөткәш салмиқини сақлап давамлаштуруш үчүн өйму ‏ - өй кирип ешинча әмгәк күчлирини тизимлаш, тәкшүрүш ишлирини җиддий елип бармақта икән.

Чаған һарписида или областлиқ аяллар бирләшмисиму мәхсус йиғин чақирип аял әмгәк күчлирини сиртларға йөткилип ишләшкә риғбәтләндүрүшни музакирә қилған. Област буйичә бу йилда ешинча әмгәк күчлирини сиртларға йөткәп ишқа орунлаштуруш сияситигә маслишип, болупму йеза ‏ - қишлақлардики аялларниң көпрәк йөткилишини ишқа ашуруш пиланини түзгән.

Хитай һөкүмитиниң мәзкур сиясити уйғурлар шундақла хәлқара җәмийәтниң тәнқидигә учрап келиватқан болсиму,хитай даирилири уйғур ели ешинча әмгәк күчлирини сиртларға йөткәш сияситини изчил һалда күчәйтип бармақта.

Хитай һөкүмити бу йилму уйғур елидин бир милйон 250 миң адәм қетимдин артуқ сиртларға йөткәп ишқа орунлаштурушни пилан қилди шундақла мәркәзлик һалда уйғур елиниң җәнубидики уйғур қизларни хитай завутлириға йөткәп бармақта.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт