Чечән һәрикитиниң лидери: русийигә қарита һуҗумлиримизни давам қилимиз

Бүгүн русийиниң җәнубидики дағистанда йәнә партлаш вәқәси йүз бәргән. Русийә хәвәр агентлиқлириниң билдүрүшичә, бомба қачиланған бир аптомобилниң партлиши билән мәйданға кәлгән вәқәдә икки киши һаятидин айрилған, бир киши еғир яриланған.
Мухбиримиз ирадә
2010-04-01
Share

Русийидә кейинки күнләрдә мәйданға кәлгән 4 - қетимлиқ бу партлаш вәқәсиниң русийидики метро партлитиш вәқәси билән четишлиқ икәнлики илгири сүрүлмәктә. 29 - Март күни москваниң метро истансисида арқа - арқилап  2 қетим адәм бомба партлаш вәқәси йүз берип 39 киши һаятидин айрилған, арқидинла русийә федератсийисигә қарашлиқ дағистанда сақчи понкитида адәм бомба һуҗуми йүз берип, 9 и сақчи 12 киши һаятидин айрилған иди.

Бу бир һәптә ичидә елип берилған адәм бомба һуҗумлирини бүгүн чечән һәрикитиниң лидери доку өмәроф өз үстигә алди. У русийигә қарита бу хил һуҗумларниң бундин кейинму давам қилидиғанлиқини әскәртти. Доку өмәроф видио лентисигә қилған сөзидә, бу һуҗумларниң русийә һәрбий даирилириниң 11 - февралда чечәнистанда елип барған һәрикәтлиригә берилгән җаваб икәнликини билдүрүп: "рус әскәрлири 11 - февралда чечәнистанниң аштам кәнтидә кәмбәғәл бигунаһ хәлқләрни өлтүрди. Буниңға һечким бир нәрсә демиди. Шуниңға қәсәм қилимәнки, рус хәлқи әмди урушни телевизор вә радиодин аңлимайду. Һуҗум әмди уларниң ишикиниң алдиғичә келиду. Улар әмди урушни өз көзи билән көриду, вуҗудида һес қилиду, чүнки рус хәлқи бүгүнгичә кавказийидә болуватқан тәңсизликләргә сүкүт қилип кәлди," дегән.

Ройтерс агентлиқиниң хәвәр қилишичә, русийә президенти димитрий медмедев пәйшәнбә күни шималий кавказийә райониға туюқсиз зиярәт елип берип, террориситларға қаттиқ зәрбә беришни тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт