Әма адвокат чен гуаңченниң америкиниң һамийлиқида туруватқанлиқи мәлум

Америкидики “җуңгоға ярдәм” кишилик һоқуқ тәшкилати өткән һәптә нәзәрбәнд астидин қечип кәткәнлики илгири сүрүлгән әма кишилик һоқуқ паалийәтчисиниң нөвәттә америка әмәлдарлириниң һамийлиқида туруватқанлиқини билдүрди.
Мухбиримиз җүмә
2012.04.28

Әма адвокат чен гуаңчен хитай йезилиридики мәҗбури бала чүшүрүш вә аяллар үстидин мәҗбурий туғутниң алдини елиш оператсийиси қилиш қилмишлирини ашкариланған вә униң зиянкәшликигә учриған кишиләрниң қануний дәвасини қилған болғачқа 2006 - йили түрмигә ташланған.

У, 2010 - йили түрмидин чиққандин кейин шәндуңдики өйидә нәзәрбәндкә елинған, униң өйи 24 саәт хитай һөкүмәт хадимлириниң көзитиш астида иди.

Чен гуаңченниң өткән йәкшәнбә күни нәзәрбәнд астидики өйидин ғәлибилик қечип чиққанлиқи вә униң бейҗиңға кәлгәнлики хәвәр қилинғандин кейин, хитай кишилик һоқуқ паалийәтчиси ху җия униң билән көрүшкән вә ченниң“100 пирсәнт бихәтәр җайда” туруватқанлиқни билдүргән.

Бүгүн америкидики “җуңгоға ярдәм тәшкилати” чен гуаңченниң нөвәттә америка хадимлириниң қоғдиши астида икәнликини билдүрди.

Әмма бейҗиңдики америка әлчиханиси вә вашингтон даирилири бу һәқтә тохтилишини рәт қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.