Teywen sot mehkimisi chén shüybyenni menggülük qamaq jazasigha höküm qildi

Igilishimizge qarighanda, sot mehkimisi chén shuybyenning oghli we kélinini ayrim - ayrim ikki yérim yil we bir yil 8 ay qamaq jazasigha höküm qilghan.

Chén shüybyen we uning jemeti dölet mexpiyetlik puligha xiyanet qilish, pul yuyush, ammiwi qurulushlarda yolsizliq qilish qatarliq jinayetler bilen eyiblen'gen idi. Chén shüybyen jungxu'a min'go tarixida xiyanetchilik bilen eyiblinip, ömürlük qamaq jazasigha höküm qilin'ghan tunji prézidént bolup hésablinidu. Lékin chén shüybyenning hökümge naraziliq bildürüp, yuqiri derijilik sot mehkimisige erz qilish hoquqi bar.

Teywendiki oxshimighan siyasiy partiye - guruhlar chén shüybyen üstidin chiqirilghan qarargha oxshimighan pikir we inkaslarda boldi. Gomindang partiyisi sotning qararigha hörmet qilidighanliqini bildürüp, délogha pikir bayan qilishni ret qilghan.

Démokratiye tereqqiyat partiyisi bolsa, chén shüybyen üstidin chiqirilghan qarar öch élishni meqset qilghan siyasiy gherezlik qarar dep qaraydighanliqini, uninggha bérilgen jazasining éghir bolup ketkenlikini bildürgen.