“Chetke qéqilip yashash-xitayning Uyghur mehellirini chéqishi” namliq doklat xitaychigha terjime qilindi

Amérika Uyghur jem'iyitige qarashliq Uyghur kishilik hoquq programmisi teripidin teyyarlan'ghan “Chetke qéqilip yashash-xitayning Uyghur mehellirini chéqishi” mawzuluq doklat xitaychigha terjime qilindi.
Muxbirimiz irade
2012.11.22

Charshenbe küni doklatning xitayche nusxisi Uyghur biz torigha qoyuldi.

89 Bettin terkib tapqan bu doklat bu yil 4-ayda élan qilin'ghandin kéyin bir qisim xelq'ara metbu'atlarning diqqitini qozghighan we doklat heqqide mexsus xewerler élan qilin'ghan idi. Türlük menbeler asasida teyyarlan'ghan doklatta, xitay hökümitining Uyghur mehellilirini chéqish arqiliq Uyghurlarning medeniyet qurulmisini yoqitiwatqanliqi ilmiy pakitlar arqiliq otturigha qoyulghan.

Xitay da'iriliri qeshqer qedimi sheher rayonini chéqish-tüzlesh xizmitini “Zamaniwilashturush qurulushi” ning terkibi qismi, shundaqla Uyghurlargha “Yer tewreshke chidamliq öy sélip bérish” qurulushi namliri astida élip barghan idi. Emma mezkur doklat xitay hökümitining yuqiridiki teshwiqatlirini qet'iy ret qilip, buninggha xitay hökümitining Uyghur milliy kimlikini suslashturushtin ibaret siyasiy pilanining yoshurun'ghanliqini ilgiri süridu.

Uyghur kishilik hoquq programmisi doklatida axirida xelq'aradiki kishilik hoquqqa köngül bölidighan hökümet we organlargha chaqiriq qilip, ulargha Uyghur élining merkizi ürümchide konsulxana échip, rayonning kishilik hoquq weziyitini yéqindin közitish, herqaysi döletler parlaméntlirida xitay hökümitini qattiq tenqid qilidighan küchlük qarar maqullap chiqishqa oxshash pikir-tekliplermu bérilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.