Бейҗиңдики чәтәллик мухбирлар җәмийити хитайдин мухбирларниң һоқуқини қоғдашни тәләп қилди

Бейҗиңдики “хитайда турушлуқ чәтәллик мухбирлар җәмийити” 21-авғуст сәйшәнбә күни баянат елан қилип, хитай һөкүмитидин мухбирларниң һоқуқини қоғдашни тәләп қилди.
Мухбиримиз меһрибан
2012-08-21
Share

Мәлум болушичә, йеқинқи бир айдин буян, японийиниң шаңхәйдә турушлуқ мухбири, хоңкоң телевизийә истансисиниң мухбири, германийә а р д телевизийисиниң мухбири, полша мухбири һәм бир нәпәр америка мухбири хитайда зиярәт қиливатқанда, хитай сақчилириниң тәһдитигә учриған. Ундин башқа нәқ мәйданда зиярәт қиливатқан мухбирлар йәнә хитай сақчилири һәм дөләт бихәтәрлик хадимлири тәрипидин тутуп кетилип, таяқ йегән.

Хитай һөкүмити чәтәл мухбирлириниң хитайда әркин зиярәт қилалайдиғанлиқини уқтурған болсиму, әмма йеқиндин буян чәтәллик мухбирларниң хитайда һәр хил тосалғуларға учриши барғанчә көпийиватқан болуп, хитайдики ахбарат әркинликигә қоюлған түрлүк чәклимиләр һәм мухбирларниң тәһдиткә учраш мәсилилири хәлқара кишилик һоқуқ тәшкилатлири һәм ғәрб демократик дөләтлири тәрипидин әйиблинип кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт