Chilidiki yer tewreshning ziyini éghir bolmaqta

Xewerlerdin melum bolushiche, 27 - féwral küni chilida yüz bergen 8.8 Bal derijidiki yer tewreshte ikki milyon adem apetke uchrighan bolup, bügünki xewerlerde yer tewreshte ölgenler sanining 700 din ashqanliqi melum bolmaqta.
Muxbirimiz mihriban
2010-03-01
Share

Birleshme agéntliqining 1 - mart künidiki xewiride körsitilishiche, bu qétimqi yer tewreshte chilining paytexti santiyago we uning etrapidiki rayonlarning apetke uchrash derijisi eng éghir bolghan. Bir milyon 500 ming éghiz öy örülgen, nurghun qurulush we sana'et esliheliri weyran bolghan. Éléktir we alaqe liniyiliri pütünley üzülgen, su toxtighan. Hazirghiche apette ölgenlerning sani 700 din ashqan bolup, bu san yene dawamliq éshishi mumkin iken.

Bügünki xewerlerdin melum bolushiche, chilidiki yer tewreshtin kéyin, 28 - féwral küni tinch okyanning gherbiy déngiz teweside déngiz dolqunliri tuyuqsiz kötürülüsh netijiside, ispaniye, portugaliye,fransiye qatarliq döletlerning déngiz boyi rayonlirida éghir déngiz borini we déngiz tashqini yüz bérip, az dégende 50 adem hayatidin ayrilghan, 100 ligen adem yarilan'ghan, bir milyondin artuq ahalining toki toxtap qalghan. Fransiyining déngiz borinining apitige uchrash ehwali bir qeder éghir bolup, parizh ayrodromidiki ayropilanlarning 100 qétimdin artuq uchush nöwiti toxtitilghan. Fransiyining gherbiy qirghaq déngiz boyida 45 adem déngiz borinida qaza qilghan.

Chilidiki yer tewresh 2010 - yili 12 - yanwar küni haytida yüz bergen 7 bal yer tewreshtin kéyinki yene bir nöwetlik éghir derijidiki yer tewresh hadisisi bolup, haytidiki yer tewreshte 150 ming ademning hayatidin ayrilghanliqi xewer qilin'ghan idi. Nöwette, pütün dunya boyiche chilidiki yer tewreshte apetke uchrighanlargha yardem bérish heriketliri élip bérilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet