Чошқа зуками тарқалған дөләт сани бүгүн 36 гә йәтти

Дуня сәһийә тәшкилатниң мәлум қилишичә, бүгүн чошқа зуками тарқалған дөләт сани36 гә, чошқа зуками вируси билән юқумланғанлиқи ениқланған бемар сани 8451 гә йәтти.
Мухбиримиз вәли
2009.05.16

Бүгүнгә қәдәр бундақ юқумлуқ кесәл билән өлгән адәм сани 72. Бирләшмә агентлиқиниң баян қилишичә, америкида чошқа зуками билән юқумланғанлиқи лабираторийиләрдә ениқланған бемар сани 4714, өлгини 4. Мекискида ениқланған бемар сани 2895, өлгини 66. Канадада байқалған бемар сани 496, өлгини бир. Испанийидә ениқланған бемар сани 100. Әнгилийидә ениқанған бемар сани 43.

Америка авазниң баян қилишичә, бүгүн һинидстанда бир бемарниң чошқа зуками вируси билән юқумланғанлиқи ениқланди, у нюйорктин кәлгән һәйдәрабадлиқ әр икән. Түркийидиму бүгүн америкидин кәлгән бир әрниң чошқа зуками вируси билән юқумланғлиқи ениқланди.

Мәркизи агентлиқиниң баян қилишичә, бүгүн бейҗиңдә 18 яшлиқ бир қиз балиниң чошқа зуками вируси билән юқумланғанлиқи ениқланди, шуниң билән хитайда һазир чошқа зуками вируси билән юқумланғанлиқи ениқланған бемар сани3 гә йәтти. японийидиму, бүгүн йәнә 3 адәмниң чошқа зуками вируси билән юқумланғанлиқи ениқланди, шуниң билән японийидә чошқа зуками вируси билән юқумланғанлиқи енлқланған бемар сани 8 гә йәтти.
 
Шинҗаң хәвәр ториниң баян қилишичә, үрүмчидики саяһәт тармақлири үрүмчидин явропа, австралийә вә шәрқий җәнубий асия дөәләтлиригә вә чошқа зукаминиң тарқилиши еғир болған дөләтләргә сайәһәткә баридиған өмәкләрни пүтүнләй әмәлдин қалдуған. Шундақла үрүмчидә йәнә 'чошқа зукаминиң почта халтилири арқилиқ киришидин сақлиниш ' дегән нам билән чәтәлләрдин келиватқан почта халитилирини тәкшүрүш йолға қоюлған.



Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.