Dalay lamaning tughulghan küni harpisida tibet weziyiti yene jiddiyleshti
2011.07.05
Radi'omiz ziyaritini qobul qilghan tibetlerning bildürüshiche, nöwette tibetler rayonida weziyet jiddiyleshken bolup, hökümet da'iriliri alahide uqturush chiqirip, 6-iyul küni dalay lamaning tughulghan künide tibetlerning yighilip pa'aliyet ötküzüshi cheklen'genlikini, tijaretchilerning herqandaq bahane bilen dukanlirini taqap qoyushigha yol qoyulmaydighanliqini uqturghan.
Merkizi hindistandiki tibet kishilik hoquq we démokratiye teshkilatining mes'uli jambay muranning bildürüshiche, ilgiri her yili 6-iyul dalay lamaning tughulghan xatire künide tibet tijaretchiliri bir kün tijaret toxtitip, lasa shehiridiki dalay lama butxanisida sejde qilish pa'aliyiti hem türlük xatirilesh pa'aliyetlirini ötküzüp kéliwatqan bolup, 2000-yili xitay hökümet da'iriliri dalay lamaning tughulghan künide ötküzülidighan xatirilesh pa'aliyitini chekligendin buyan, tibetler öz öyliride mexpiy halda bu xil xatirilesh pa'aliyitini ötküzüshke mejbur bolghan.
Köp körülgen xewerler
RFA
- Xitay da'irilirining Uyghur diyarida chet el eplirini cheklesh agahlandurushi némining béshariti?
- Washin'gton etrapidiki Uyghurlar bu yilliq roza héyt namizini birge oqup, roza héytini kütüwaldi
- Yarkent xanliqi we ghojilar dewridin qalghan höjjetler xarward uniwérsitétida
- Zumret'ay erkin xan jemeti chérkawida Uyghur irqiy qirghinchiliqini tonushturghan
- Naxshichi erkin abdulla xitayning “Shinjang hékayisini yaxshi sözlesh” teshwiqat sépidin orun alghan