Далай лама шәнбә күни америка пайтәхти вашингтонда тинчлиқ тоғрисида тәлим бәрди

Нөвәттә америкида зиярәттә болуватқан тибәтләрниң роһаний даһийси далай лама шәнбә күни америка пайтәхти вашингтонда тинчлиқ тоғрисида тәлим бәрди. Далай лама 10 күнлүк будда йосуни калчакра мурасими үчүн вашингтонға кәлгән иди.
Мухбиримиз җүмә
2011-07-09
Share

Лексийә шәнбә күни әтигәндә америка дөләт мәҗлиси бинасиға йеқин җайдики чимлиқта өткүзүлди, ечилиш нуқтини америкилиқ даңлиқ кино чолпини вупи голдберг сөзлиди.

Йиғилишқа бир нәччә миң адәм қатнашти. Далай лама нутқида “қәлб тинчлиқи билән дуня тинчлиқи бәрпа қилиш” тоғрисида тәлим бәрди.

Далай лама америкиға йетип кәлгәндин кейин, америкидики бир қисим юқири дәриҗилик дөләт әрбаблири билән көрүшкән.

Пәйшәнбә күни авам палата рәиси җон бейнирниң йетәкчиликидики бир қисим дөләт мәҗлиси әзалири далай ламани күтүвалған болуп, бу хитай тәрәпниң наразилиқини қозғиған.

Америка президенти обаманиң далай ламани күтүвалидиған яки күтивалмайдиғанлиқи һазирчә мәлум әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт