Тибәт роһаний даһийси далай лама хитайни зиярәт қилиш мумкинчилики барлиқини билдүрди

Тибәт роһаний даһийси далай лама йеқинда дарамсаладики қараргаһида тәйвәнлик оқуғучиларни қобул қилип, өзиниң бир илмий хадим салаһийити билән хитайни зиярәт қилиш мумкинчилики барлиқини, чүнки хитайдики бәзи алий мәктәп профессорлириниң уни зиярәткә тәклип қилғанлиқини билдүргән.
Мухбиримиз әркин
2011.07.29

Лекин хәвәрдә далай ламани зиярәткә тәклип қилған хитай профессорлириниң исми вә буниңдин хитай һөкүмитиниң хәвири бар-йоқлуқи тилға елинмиған.

“норвегийә тибәт авази ” радиосиниң далай ламаниң көрүшүшкә қатнашқан хитайчә тәрҗиманиниң сөзидин нәқил кәлтүрүшичә, далай лама сәргәрданлиқниң өзи сиясий бесим вә зиянкәшлик икәнликини, бирақ йәнә бир тәрәптин буниң тибәт мәдәнийити вә вә тибәт буддизмини дуняға тонуштуруштики пурсәт икәнликини тәкитлигән.

Хитай һөкүмити бир тәрәптин далай ламани “бөлгүнчилик” билән әйиблисә, йәнә бир тәрәптин униң вәкиллири билән нурғун қетим сөһбәт елип барған. Лекин бу сөһбәтләрдин һечқандақ нәтиҗә чиқмиған иди.

Далай лама тәйвәнлик оқуғучилар билән көрүшкәндә йәнә әркинликкә ноқул сиясий нуқтидин қаримаслиқ, тибәт мәдәнийитини қандақ қилип сақлап қелиш нуқтисидинму қараш керәкликини тәкитлигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.