Tibet rohaniy dahiysi dalay lama xitayni ziyaret qilish mumkinchiliki barliqini bildürdi

Tibet rohaniy dahiysi dalay lama yéqinda daramsaladiki qarargahida teywenlik oqughuchilarni qobul qilip, özining bir ilmiy xadim salahiyiti bilen xitayni ziyaret qilish mumkinchiliki barliqini, chünki xitaydiki bezi aliy mektep proféssorlirining uni ziyaretke teklip qilghanliqini bildürgen.
Muxbirimiz erkin
2011.07.29

Lékin xewerde dalay lamani ziyaretke teklip qilghan xitay proféssorlirining ismi we buningdin xitay hökümitining xewiri bar-yoqluqi tilgha élinmighan.

“Norwégiye tibet awazi ” radi'osining dalay lamaning körüshüshke qatnashqan xitayche terjimanining sözidin neqil keltürüshiche, dalay lama sergerdanliqning özi siyasiy bésim we ziyankeshlik ikenlikini, biraq yene bir tereptin buning tibet medeniyiti we we tibet buddizmini dunyagha tonushturushtiki purset ikenlikini tekitligen.

Xitay hökümiti bir tereptin dalay lamani “Bölgünchilik” bilen eyiblise, yene bir tereptin uning wekilliri bilen nurghun qétim söhbet élip barghan. Lékin bu söhbetlerdin héchqandaq netije chiqmighan idi.

Dalay lama teywenlik oqughuchilar bilen körüshkende yene erkinlikke noqul siyasiy nuqtidin qarimasliq, tibet medeniyitini qandaq qilip saqlap qélish nuqtisidinmu qarash kéreklikini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.