Җәнуби африқиниң тинчлиқ йиғини далай лама сәвәби кечиктүрүлди

Тибәт роһани даһиси далай ламаниң алаһидә вәкили лоди гяри чаршәнбә күни хитайниң җәнуби африқиға бесим ишлитип, далай ламаниң җәнуби африқида өткүзүлидиған тинчлиқ йиғиниға қатнишишини тосиғанлиқини тәнқид қилди.
Мухбиримиз әркин
2009.03.26

Лоди гяри, хитайниң һәрикити "йәр шари характерлик күч болуш арзусидики дөләтлик салаһийитигә сиғмайду " дегән. Җәнуби африқа һөкүмити тибәт роһаний даһийси далай ламаға виза беришни рәт қилип, далай ламаниң җәнуби африқида җүмә күни өткүзүлидиған тинчлиқ йиғиниға қатнишишини тосқан иди.

Буниң билән йиғинға қатнишидиған бәзи мәшһур шәхсләр йиғинни байқут қилған шундақла йиғинниң муддәтсиз кечиктүрүлгәнлики елан қилинған. Йиғинни байқут қилғанлар арисида нобел тинчлиқ мукапатиниң лауриятлиридин сабиқ җәнубий африқа президенти вә җәнуби африқилиқ поп тутулар бар иди.

Лекин җәнуби африқа һөкүмити хитайниң бесими астида далай ламаға виза бәрмигәнликини рәт қилип, бу вәқәдә җәнуби африқа һөкүмитиниң өз мәнпәәтини көздә тутқанлиқини, бу ишни дәп хитай билән азарлишип қелишни халимиғанлиқини илгири сүргән.

Франсийә агентлиқиниң хәвәр қилишичә, лоди гяри йәнә "җәнуби африқа һәммимизниң нәзиридә бу қитәдики бир өлгә, бир мәшәл иди", дегән шундақла хитай бу вәқәдә "җәнуби африқиниң иззәт һөрмити вә инавитигә дағ тәккүзди," дәп тәкитлигән.

Далай ламаниң вәкили бу сөзләрни америка мирас фонди җәмийитиниң чаршәнбә күни вашингтонда чақирилған тибәт һәққидики бир муһакимә йиғинида сөзлигән. Хитай һөкүмити болса җәнуби африқиниң қарарини қарши алидиғанлиқини билдүргән иди.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.