Jenubi afriqining tinchliq yighini dalay lama sewebi kéchiktürüldi

Tibet rohani dahisi dalay lamaning alahide wekili lodi gyari charshenbe küni xitayning jenubi afriqigha bésim ishlitip, dalay lamaning jenubi afriqida ötküzülidighan tinchliq yighinigha qatnishishini tosighanliqini tenqid qildi.
Muxbirimiz erkin
2009-03-26
Share

Lodi gyari, xitayning herikiti "yer shari xaraktérlik küch bolush arzusidiki döletlik salahiyitige sighmaydu " dégen. Jenubi afriqa hökümiti tibet rohaniy dahiysi dalay lamagha wiza bérishni ret qilip, dalay lamaning jenubi afriqida jüme küni ötküzülidighan tinchliq yighinigha qatnishishini tosqan idi.

Buning bilen yighin'gha qatnishidighan bezi meshhur shexsler yighinni bayqut qilghan shundaqla yighinning muddetsiz kéchiktürülgenliki élan qilin'ghan. Yighinni bayqut qilghanlar arisida nobél tinchliq mukapatining la'uriyatliridin sabiq jenubiy afriqa prézidénti we jenubi afriqiliq pop tutular bar idi.

Lékin jenubi afriqa hökümiti xitayning bésimi astida dalay lamagha wiza bermigenlikini ret qilip, bu weqede jenubi afriqa hökümitining öz menpe'etini közde tutqanliqini, bu ishni dep xitay bilen azarliship qélishni xalimighanliqini ilgiri sürgen.

Fransiye agéntliqining xewer qilishiche, lodi gyari yene "jenubi afriqa hemmimizning neziride bu qit'ediki bir ölge, bir mesh'el idi", dégen shundaqla xitay bu weqede "jenubi afriqining izzet hörmiti we inawitige dagh tekküzdi," dep tekitligen.

Dalay lamaning wekili bu sözlerni amérika miras fondi jem'iyitining charshenbe küni washin'gtonda chaqirilghan tibet heqqidiki bir muhakime yighinida sözligen. Xitay hökümiti bolsa jenubi afriqining qararini qarshi alidighanliqini bildürgen idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet