Amérika démokratiyini ilgiri sürüsh jem'iyiti dalay lamagha médal teqdim qildi

Amérika démokratiyini ilgiri sürüsh jem'iyiti jüme küni xitayning küchlük étiraz bildürüshige qarimay dalay lamagha "démokratiye töhpe médali" teqdim qildi.
Muxbirimiz jüme
2010-02-20
Share

Médal teqdim qilishi murasimi amérika dölet mejlisi kutupxanisida élip bérildi. Médalni démokratiyini ilgiri sürüsh jem'iyitining re'isi karl gérshman dalay lamagha teqdim qildi we uning démokratiyini ilgiri sürüsh üchün qoshqan töhpilirige medhiye oqup: "u wehshiy küchler we haqaretlik tillar aldida exlaqi jasaret namayende qilip oz xelqige ümid béghishlapla qalmay, dunyadiki barliq ézilgen xelqlerge ümid béghishlidi" dédi.

Murasimda sözge chiqqan dalay lama xitay kommunist hökümitining xitayni küchlendürüshte bezi töhpilerni qoshqan bolsimu, nöwette izzet bilen texttin chüshidighan waqtining kelgenlikini ilgiri sürdi.

Xitay hökümiti "obamaning dalay lamani kütüwélishi ikki dölet munasiwetlirige éghir dexli yetküzüdu" dep agahlandurghan bolsimu, amérika prézidénti barak obama dalay lamani peyshenbe küni aqsarayda kütüwalghan idi.

Dalay lamani amérika tashqi ishlar ministiri hillariy klinton xanimmu qobul qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet