Dalay lama tibet qozghilingining 51 yilliqini xatirilesh yighinida xitaygha qarita ghezep ipadilidi
Birleshme agéntliqining dramsaladin bayan qilishiche, dalay lama tibet qozghilingi we tibet muhajiritining 51 yilliqini xatirilesh yighinida qilghan sözide, xitay hazir tibette 'wetenni söyüsh, dinni söyüsh' dégen nam bilen siyasi heriket qozghap, tibetlerning budda dinini yoqitiwatqanliqi, tebi'ettiki budda ibadetxanilirini pul tapidighan sayahet nuqtilirigha aylanduruwalghanliqi, rahib, rahibelerni mehbusqa aylandurghanliqining pakitlirini körsitip, xitaygha qarita ghezep ipadilidi.
Muxbirimiz weli
2010-03-10
Xewerde éytilishiche, dalay lama sözide 'gerche biz toluq aptonomiyini qolgha keltürüsh üchün tirishiwatqan bolsaqmu, emma xitay biz bilen söhbetlishishni ret qilip, mini bölgünchi, dep jakarlap, tibetke téximu köp esker orunlashturushqa bashlidi. Bu, tibette weziyetning nahayiti jiddiy ikenlikini bildüridu' dep körsetti. Shundaq u sözide yene, emdi Uyghurlarning 5 - iyol weqesidiki ipadisini zor küch bilen qollaydighanliqini jakarlidi.
B b s ning bayan qilishiche, tibet herikitining xatire künliri yétip kelgen mushu waqitta, lasa shehiridiki méhmanxanilar méhman qobul qilishni toxtatti. Xitay qoralliq qisimliri sheherning hemme doqmushlirida heywe körsitip, tibetlerge wehime sélishqa bashlidi.
