Далай лама тәйвән зияритини башлиди

Тибәтләрниң роһаний даһийси далай лама йәкшәнбә күни тәйвәнгә йетип кәлгән. Хитай тәрәпни биарам қилған бу зиярәт күтүлмигән йеңилиққа дуч кәлди.
Мухбиримиз үмидвар
2009-08-31
Share

Америка авазиниң хәвәр қилишичә, 31 - авғуст күни өткүзүлмәкчи болған далай ламаниң хәлқаралиқ мухбирларни күтүвелиш йиғини бикар қилинған болуп, бу тәйвәндә қаттиқ ғулғула пәйда қилған. Бу паалийәткә дуняниң 130 дин артуқ мәшһур агентлиқлириниң мухбирлири қатнишишқа тәйярланған иди.

Тәйвән мәркизи агентлиқи бу қетимлиқ хәлқаралиқ мухбирларни күтүвелиш паалийитини әмәлийәттә тәйвәндики тибәт диний фонди тәшкилатиниң тохтитиш һәққидә гаошийоң һөкүмитигә уқтурғанлиқи һәмдә далай ламаниң мәқситиниң апәткә учриған кишиләр үчүн тилавәт қилиш икәнликини әскәрткәнликини хәвәр қилди.

Бир қисим тәйвән сиясәтчилири далайламаниң бу һәрикитини "сиясий ақилиналиқ" дәп атиған болуп, далай келиштин иглири тәйвән һөкүмитидә талаш - тартиш болғанлиқи һәтта, президент майиңҗо һөкүмитиниң астирттин хитай тәрәп билән майиңҗониң далай лама билән көрүшмәйдиғанлиқи һәққидә келишкәнликигә аит учурлар тарқалған. Чүнки далай ламаниң зиярити икки қирғақ мунасивитигә җиддий тәсир көрситидиған мәсилигә айланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт