Dalay lama tibet herikitining xitay bilen bolghan di'alogni dawamlashturushni telep qildi

Tibet rohani dahisi dalay lama xitay bilen bolghan di'alogi meghlup bolghan bolsimu, lékin tibet herikitining di'alogida ching turushini telep qildi.
Muxbirimiz erkin
2010-05-07
Share

Dalay lama jüme küni daramsaladiki qarargahida birleshme agéntliqining ziyaritini qobul qilip, xitay bilen bolghan söhbetning netijige érishishige 10 - 20 yil waqit kétishi mumkinlikini bildürgen. U, "nöwette söhbet meghlubiyetke uchridi. Lékin bu, kelgüside söhbetning netije qazinish mumkinchiliki yoqluqidin dérek bermeydu" dégen.

Xitay hökümiti 2002‏ - yildin béri dalay lamaning wekilliri bilen 9 qétim söhbet élip barghan bolsimu, lékin söhbet emeliy netijige érishelmigen idi. Dalay lama xitay ziyaliylirining arisida tibetke hésdashliq qilidighanlar köpiyiwatqatliqini, buning béyjingning siyasitining özgirishige türtke bolush éhtimali barliqini eskertip, xitay rehberlirining arisida tibet siyasitini özgertish terepdaridiki zaman'gha layiqlashqan bezi éléméntlarning barliqini bildürgen.

Xewerlerde, uning "biz 51 yil saqlisun, biz yene 10 - 20 yil saqliyalaymiz" dégenlikini yazdi. Dalay lama 1990 ‏ - yillarda musteqilliqtin waz kéchidighanliqini élan qilghan idi. Lékin u "bizning musteqilliq telep qilmaydighanliqimizni pütün dunya bilsimu, xitay hökümiti yenila bizni bölgünchilik bilen eyiblimekte" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet