Хитай даирилири америка президенти обамани далай лама билән көрүшмәсликкә чақирди

Ақсарай даирилири җүмә күни баянат елан қилип, америка президентиниң шәнбә күни далай ламани ақсарайда қобул қилидиғанлиқини билдүргән. Ақсарай баянатида: “бу қетимлиқ учришиш америка президентиниң тибәт дини, мәдәнийити вә тил кимликини һәмдә тибәтләрниң кишилик һоқуқини қоғдашни қоллайдиғанлиқини намаян қилиду” дәп көрсәткән иди.

Хитай ташқи ишлар министирлиқи баянатчиси хоң ли: “биз һәрқандақ чәтәл рәһбириниң далай ламани һәр қандақ шәкилдә қобул қилишиға қарши” деди вә бу нөвәтлик учришиниң америка хитай-мунасивәтлиригә зиянлиқ икәнликни тәкитлиди.

Далай лама өткән һәптә диний мурасим үчүн америкиға 10 күнлүк кәлгән вә бу җәрянда америка дөләт мәҗлиси әрбаблири билән көрүшкән иди.