Xitay da'iriliri amérika prézidénti obamani dalay lama bilen körüshmeslikke chaqirdi

Xitay da'iriliri bügün bayanat élan qilip, amérika prézidénti obamani tibet rohaniy dahiysi dalay lama bilen körüshmeslikke chaqirdi we buning amérika-xitay munasiwetlirige dexli yetküzidighanliqini bildürdi.
Muxbirimiz jüme
2011-07-16
Share

Aqsaray da'iriliri jüme küni bayanat élan qilip, amérika prézidéntining shenbe küni dalay lamani aqsarayda qobul qilidighanliqini bildürgen. Aqsaray bayanatida: "Bu qétimliq uchrishish amérika prézidéntining tibet dini, medeniyiti we til kimlikini hemde tibetlerning kishilik hoquqini qoghdashni qollaydighanliqini namayan qilidu" dep körsetken idi.

Xitay tashqi ishlar ministirliqi bayanatchisi xong li: "Biz herqandaq chet'el rehbirining dalay lamani her qandaq shekilde qobul qilishigha qarshi" dédi we bu nöwetlik uchrishining amérika xitay-munasiwetlirige ziyanliq ikenlikni tekitlidi.

Dalay lama ötken hepte diniy murasim üchün amérikigha 10 künlük kelgen we bu jeryanda amérika dölet mejlisi erbabliri bilen körüshken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet