Xelq'ara kechürüm teshkilati dilshat perhatni qoyup bérish heqqide imza toplash herikiti bashlidi

Xelq'ara kechürüm teshkilati tünügün mexsus bir chaqiriqname élan qilip, diyarim torining bashqurghuchisi dilshat perhatning qoyup bérilishi heqqide xitay hükümitige teklip sunush we imza toplash herikiti bashlidi. Chaqiriqnamide, dilshat perhat, nur eli we nijat azad qatarliq tor bashqurghuchiliri wijdan mehbusliri dep atilip, ularning adaletsiz sotlan'ghanliqi we üstidin heqsiz höküm chiqirilghanliqi bayan qilindi. Mezkur teshkilat dunyaning her qaysi jayliridiki ezaliri we terepdarlirigha xitap qilip, ularni dilshat perhat qatarliq wijdan mehbuslirining qoyup bérilishi üchün xitay hökümitining alaqidar da'ire we organlirigha xet yézish we téléfon qilishqa chaqirdi. Chaqiriqnamide, 5 - iyul weqesining bash - axiri we Uyghur rayonining nöwettiki weziyiti heqqide melumatlar bérildi.
Muxbirimiz shöhret hoshur
2010-08-03
Share

Wijdan mehbusliri dégen atalghu xelq'arada, jama'et we xelqlerning menpe'eti üchün söz qilghan we pkir bayan qilghan we bu seweblik jazagha uchrighan mehbuslar üchün qollinilidu. Chaqiriqnamida 15 yilliq késilgen gheyret niyaz we muddetsiz késilgen gulmire imin qatarliq tar bashqurghuchilirimu wijdan mehbusliri dep atalghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet