Уйғур елиниң рәиси нур бәкри дини паалийәтләрни техиму қаттиқ контроллуқ астиға алидиғанлиқини җакарлиди

Хитай хәвәрләр торидин мәлум болушичә, нур бәкри юқиридики сөзни бейҗиңдики икки қурултайда мухбирларниң соаллириға җаваб бәргәндә қилған болуп, у: “қанунсиз дини паалийәтләр дини әсәбийликни кәлтүрүп чиқириду, дини әсәбийлик дини радикализм идийисини кәлтүрүп чиқириду, дини радикализм болса зораванлиқ террор һәрикитини кәлтүрүп чиқириду. Хотән вә қәшқәрләрдә йүз бәргән вәқәләргә ениқ дини радикализм сәвәб болған” дегән.

Хәлқара кишилик һоқуқ органлири хитай һөкүмитини уйғурларниң әң асасий дини шәртлирини орунлишиғиму тосқунлуқ қилиш билән әйибләватқан бир шараит астида нур бәкриниң бундин кейин уйғур елидә дини паалийәтләрни башқуруш хизмитини техиму күчәйтип, қанунсиз дини паалийәтләрни техиму қаттиқ бастуридиғанлиқини җакарлиши чәтәлләрдики уйғур кишилик һоқуқ актиплирини қаттиқ нарази қилди.

Д у қ баянатчиси дилшат ришит баянатида юқиридики вәқәләргә хитай һөкүмитиниң миллий сияситиниң сәвәб болуватқанлиқини әскәртип: “уйғурларни бастурушни күчәйтиш техиму көп зораванлиққа йол ечип бериду” деди. Нур бәкриниң юқиридики сөзлири хәлқара мәтбуатларниңму диққитини қозғиди.