Amérika dölet mejlisi ezalirining obamagha yazghan telep xétide Uyghur mesilisi nuqtiliq tekitlendi

14- Yanwar küni amérika dölet mejlisining burundin tartip Uyghur kishilik hoquq mesilisige köngül bölüp kéliwatqan ezaliridin frank wolf, jeyms makgowérn qatarliq 32 neper ezasi prézidént barak obamagha birleshme xet yézip, uningdin xitay re'isi xu jintawning 19-20-yanwar künliri amérikida élip baridighan ziyariti jeryanida xitaydiki kishilik hoquq weziyitini otturigha qoyup, "amérika xelqige wakaliten éniq we qattiq teleppuz bilen xitay hökümitidin kishilik hoquq mesiliside mes'uliyetchan bolup, yaxshilash élip bérish" ni telep qilishini otturigha qoyghan.
Muxbirimiz ümidwar
2011-01-16
Share

32 Neper mejlis ezasining mezkur xétide Uyghurlar mesilisigimu orun bérilgen bolup, barak obamadin rabiye qadirning perzentlirini qoyup bérishni mesilisini xu jintaw bilen körüshkende otturigha qoyush telep qilinip mundaq tekitlen'gen:

"Ular xitaydiki lyushawbo, chén gu'angchéng qatarliq barliq wijdan mehbuslirini qoyup bérishi kérek, bu ular bilenla cheklenmeydu, yene Uyghur rehbiri we kishilik hoquq pa'aliyetchisi rabiye qadirning türmidiki oghulliri alim abduréhim we ablikim abduréhimlarmu bar."

Xette yene "rabiye qadirning ikki oghli alim abduréhim we ablikim abduréhim hazir shinjangda solanmaqta. Da'iriler oydurma jinayet bilen ularning jinayitini békitken bolup, ularning salametlik ehwali nacharlashqan. Rabiye qadir xanimning bashqa a'ile ezaliridin qizi roshen'gül we 9 neper newrisi dawamliq türde dexli-terz we qorqutushqa uchrimaqta", dep yézilghan.

32 Neper mejlis ezasining birleshme imzaliq  xétining axirida yene Uyghurlarning diniy étiqad erkinliki mesilisi tilgha élinip, xitay hökümitining Uyghurlarning bu hoquqlirini étirap qilishi lazimliqi tekitlinip mundaq bayan qilin'ghan:

"Diniy étiqad erkinliki étirap qilinishi we hörmet qilinishi kérek, bu tibetler, Uyghurlar we bashqa az sanliq millet erbablirining diniy hoquqlirini öz ichige alidu. Ular yene bashqa xil alahidiliklerge ige diniy we rohaniy teshkilatlar, mesilen a'iliwi xristi'an diniy jem'iyetliri we falun'gongchilargha dawamliq dexli-terz qilmasliqi lazim."

18-Yanwar küni xu jintaw washin'gton'gha yétip kélishtin bir kün burun  xitaydiki, jümlidin Uyghurlarning kishilik hoquq we diniy étiqad erkinliki mesilisige uzundin buyan izchil köngül bölüp kéliwatqan ikki neper dölet mejlis ezasi, kirstofér smit bilen frank wolf  xitaydiki kishilik hoquq mesilisi boyiche muxbirlarni kütüwélish yighini ötküzmekchi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet