Dunya bankisi xitayni asta xaraktérlik késelliklerge diqqet qilishqa agahlandurdi

Doklatta éytilishiche, xitaydiki 80 pirsent kishining ölümige öpke raki, sekte, yürek we qan shikiri qatarliq asta xaraktérlik késellikler seweb bolidiken. Halbuki, bezi tedbirler arqiliq bu xil késelliklerning omumliship kétishining aldini alghili bolidiken.

Mesilen, tamaka béjini östürüp, tennerxni ashurush arqiliq, istémalchilarning sanini azaytish buningdiki ünümlük tedbirlerning biri hésablinidiken.

Melum bolushiche, xitayda tamakigha qoyulghan baj 30 pirsentkimu yetmeydighan bolup, yawropada bolsa tamaka mehsulatlirigha 65-80 pirsentkiche baj qoyulidiken. Dunya bankisi doklatida eskertip, eger xitay buninggha jiddiy qarap, emgek qilalaydighan, asasiy ishlepchiqirish küchining salametlikige diqqet qilmisa, buning xitayda iqtisadiy aqiwetlerdin sirt, ijtima'iy aqiwetlergimu seweb bolidighanliqini bildürdi.

Xitayda 300 milyondin oshuq adem tamaka istémal qilidighan bolup, u dunyadiki birinchi tamaka istémal döliti we shundaqla éksport döliti. Xitay téxi bu yil 5-aydin tartip, üsti itik bolghan ammiwi sorunlarda tamaka chékishni chekligen idi.