Dunya islam teshkilatining rehbiri xitayni ziyaret qilidu

Fransiye axbarat agéntliqining xewer qilishiche, dunya islam teshkilatining bash sékrétari ekmelidin éhsan'oghlu aldimizdiki ayda xitayni ziyaret qilidu. Xewerde bildürülüshiche, ziyaretning meqsiti islam dunyasi bilen xitay arisidiki munasiwetni yaxshilashtin ibaret.
Muxbirimiz shohret hoshur
2010.05.25
Share on WhatsApp
Share on WhatsApp

Xewerde yene eskertilishiche, ötken yili ürümchide 5 - iyul weqesi yüz bergendin kéyin, bir qisim islam döletliri xitaygha naraziliq bildürgen. Dunya islam teshkilatimu, weqedin bir ay kéyin ürümchige tekshürüsh guruppisi ewetken. Tekshürüshtin kéyin dunya islam teshkilati bayanat élan qilip, Uyghur rayonidiki hakimiyet qatlimida musulmanlargha orun bérilmigenliki, musulmanlarning ishsizliq mesilisining éghirliqi we turmush sewiyisining töwenliki, shundaqla diniy erkinlikning cheklimige uchrawatqanliqi qatarliq bir qatar mesililerni otturigha qoyup xitayni tenqid qilghan.

Xewerde bildürülüshiche, mezkur ziyaret 6 ‏- ayning 17 ‏- künidin 21 ‏- künigiche 4 kün dawam qilidu, emma ekmelidin éhsan'oghluning bu qétim ürümchini ziyaret qilidighan yaki qilmaydighanliqi melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.