Dunya musulmanlar ittipaqi Uyghur éli qatarliq rayonlarda ziyarette bolghan

Xitay hökümitining orunlashturushi bilen dunya musulmanlar ittipaqi 9 - öktebirdin 15 - öktebirgiche Uyghur éli qatarliq rayonlarda ziyarette bolghan.
Muxbirimiz jüme
2010.10.16
Share on WhatsApp
Share on WhatsApp

Shinxu'a axbaratining xewer qilishiche, mezkur ömekke dunya musulmanlar ittipaqining bash katipi abdullah bin abdulmohsén el – türki bash bolup kelgen. Ular béyjing, Uyghur éli we gensularda ziyarette bolghan.

Uyghur közetchilerning qarishiche, xitay hökümiti Uyghur élide “ jungxu'a milliti éngini küchep teshwiq qiliwatqan peytke toghra kelgenliki üchün mezkur ziyaret shübhilik iken.

Xewerge qarighanda, ular ürümchi we qeshqerlerde meschitlerni körgen we mexmut qeshqirining meqberisini tawap qilghan.

Halbuki, el türki xitay ziyaritidin kéyin, xitay hökümitining xitaydiki“musulman az sanliqlarning diniy étiqad erkinliki we ijtima’iy ornini qoghdashta körsetken tirishchanliqigha guwahchi bolghanliqini ilgiri sürgen.

Yawropada yashawatqan bir diniy ziyaliyning qarishiche, el - türkning éytqanliri Uyghur élining nöwettiki weziyitige pütünley uyghun emes iken. U mundaq dédi: “"Uyghurlarda diniy étiqad erkinliki yoq déyerlik. Uyghur élide 17 yashtin töwenler, hökümet kadirliri, hetta 17 yashtin yuqiri mektep oqughuchiliriningmu din'gha étiqad qilishi cheklen'gen. Buni qandaqmu Uyghur xelqi diniy étiqad erkinlikidin toluq behrimen bolmaqta dégili bolsun?"”

Bu diniy zatning qarishiche, xitay hökümitining dunya musulmanlar ittipaqini Uyghur élige ziyaretke élip kélishi bir siyasiy aldamchiliqtin ibaret iken.

Amérika dölet mejlisining xitay ishlar ijra’iye komitéti aldinqi küni élan qilghan yilliq doklatidimu Uyghur éli kishilik hoquq weziyitining bu yil téximu nacharlashqanliqini ilgiri sürülgen idi.
 
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet