Dunya sehiye teshkilati xitayni yémeklikler bixeterlik mesiliside tenqid qildi

Dunya sehiye teshkilati charshenbe küni xitayning yémeklikler bixeterlik mesilisi heqqide doklat élan qilip, xitayning yémeklikler bixeterlik mesiliside saqliniwatqan mesile tüzülmidiki mesile ikenlikini, xitay yémeklikler bixeterlik tekshürüsh tüzülmisining waqti ötkenlikini we qalaymiqanliqini, bu tüzülme xitayda süt parashuki weqesining yüz bérishi, hökümetning weqege nahayiti asta inkas qayturushigha seweb bolghanliqini bildürgen.
Muxbirimiz erkin
2008-10-22
Share

Dunya sehiye teshkilati doklatta, yimeklik ishlepchiqiridighan karxanilar yimeklik bixeterlikige jawabkar bolushi kéreklikini, xitay hökümiti zamaniwi yémeklikler bixeterlik tüzümi we belgilimilirini yolgha qoyup, puqralarda yémeklikler bixeterlikige bolghan ishenchini turghuzushi lazimliqini tekitligen.

Dunya sehiye teshkilatining yémeklikler bixeterlik mes'uli jorgén shulindt, xitaydiki mesile tüzülmidiki mesile ikenlikini ilgiri sürgen. U, xitayning hazirqi tüzülmiside hökümet hemmige mes'ul ikenlikini, lékin yémeklikler bixeterlikige karxanilarning özi jawabkar bolushi zörür, dep qaraydighanliqini bildürgen.

Yéqinda xitay bash ministiri wén jyabaw süt parashuki setchilikining karxanilarda yüz bergenliki, lékin weqede hökümetning mes'uliyiti barliqini tekitligen idi. Yéqinda xitayning balilar süt parashukigha balilarda börek késili peyda qilidighan mélamin maddisi qoshulidighanliqi, shu tüpeyli böriki zeherlen'gen balilarning 60 minggha yétidighanliqi pash qilin'ghandin kéyin, bu weqe pütün dunyada xitay süt mehsulatlirini import qilishni cheklesh dolquni qozghighan idi.

Xitay hökümiti bu weqeni bir terep qilishning chare - tedbiri qatarida nurghun süt mehsulatlirini yighiwalghan, bixeterlik bashqurushini kücheytidighan tedbirlerni yolgha qoyidighanliqini bildürgen, lékin tüzülme islahati élip bérishni tilgha almighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet