Dunya soda teshkilati: "xitayning belgilimiliri dunya soda teshkilati prinsiplirigha xilap "

Amérika terep charshenbe küni, xitayning bir qisim amérika mallirigha qarita qoyghan cheklimiliri heqqide échilghan sotta utup chiqti.
Muxbirimiz jüme
2009-08-12
Share

Xitay hökümiti, amérikida neshr qilin'ghan kitab, CD, DVD plastinkiliri we kompyutér oyunlirini xitaygha import qilish we xitayda sétish hoquqini dölet igidarchiliqidiki shirketlerdin bashqilargha bérilmeydighanliqini békitken.

Amérika soda da'iriliri, xitay terep békitken bu belgilimilerning dunya soda teshkilatining prinsiplirigha xilap ikenlikini körsetken we bu yil iyulda dunya soda teshkilatigha erz yollighan.

Bügün, dunya soda teshkilati qarar chiqirip xitayning yuqiriqi belgilimilirining dunya soda teshkilati prinsiplirigha xilap ikenlikini körsetti.

Wolstrit zhurnili gézitide körsitishiche, amérika soda wekili ron kirk, mezkur qararning xitayda amérika mallirigha keng yol achidighanliqini bildürgen.
 
Amérikida soda sahesi yillardin béri, xitayning dunya soda teshkilati belgilimiliri we eqliy mülük hoquqi qanunigha xilap halda, amérika mallirini xitayda qanunsiz köpeytip sétip, amérika shirketlirige éghir ziyan salghanliqini otturigha qoyup kelgen idi.

Halbuki bu nöwetlik sotta bu heqte éniq qara chiqirilmighan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet