Д у қ мәхсус ахбарат елан қилиш йиғини чақирди

Дуня уйғур қурултийи 26 - май сәйшәнбә күни америка дөләтлик ахбарат кулубида дуня уйғур қурултийиниң 3 - нөвәтлик вәкилләр қурултийи мунасивити билән мәхсус ахбарат вә баянат елан қилиш йиғини чақирди.
Мухбиримиз җүмә
2009-05-26
Share

Дуня уйғур қурултийи елан қилған баянатта мундақ көрситилгән: " дуня уйғур қурултийи, шәрқий түркистандики уйғур хәлқиниң һөрлүки, өз тәқдирини - өзи бәлгиләш һоқуқи, демократийиси вә кишилик һоқуқи үчүн тинч йосунда күрәш қилишини давамлаштуриду".

Баянатта йәнә, дуня уйғур қурултийи хәлқара җамаәтни уйғур хәлқиниң һөрлүк вә демократийигә болған тәшналиқини қоллаш үчүн хитайға үнүмлүк тәдбирләрни қоллинип бесим ишлитишкә чақирған.

Дуня уйғур қурултийи баянатта, хитай һөкүмитини террорлуқни баһанә қилип уйғурлар устидин йүргүзүватқан бастуруш қилмишлирини дәрһал тохтишишқа чақирған вә хитай һөкүмитини тинчлиқ йоли тутушқа вә " шәрқий түркистан мәсилисини дуня уйғур қурултийиниң вәкиллири билән сөһбәт өткүзүш арқилиқ һәл қилиш," қа дәвәт қилған.

Ахбарат елан қилиш йиғиниға, дуня уйғур қурултийи рәиси вә уйғур миллий һәрикитиниң йетәкчиси рабийә қадир ханимға вакалитән, қурултайниң йеңидин сайланған баянатчиси алим сийитоф вә вә бир қисим мунасивәтлик шәхсләр қатнашти.

Алим сийитоф дуня уйғур қурултийи 3 - нөвәтлик йиғининиң наһайити мувәппәқийәтлик аяғлашқанлиқини, мәзкур йиғиға дуняниң һәр қайси җайлиридин кәлгән 112 нәпәр вәкил вә 40 нәпәр көзәтчиниң қатнашқанлиқини илгири сүрди.

Йиғинға америка дөләт ичи вә хәлқара мәтбуат органлириниң мухбирлири қатнашти вә қурултай рәиси рабийә қадир ханим вә гуәнтанамо уйғурлири һәққидә соалларни сорашти.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт