D u q mexsus axbarat élan qilish yighini chaqirdi

Dunya Uyghur qurultiyi 26 - may seyshenbe küni amérika döletlik axbarat kulubida dunya Uyghur qurultiyining 3 - nöwetlik wekiller qurultiyi munasiwiti bilen mexsus axbarat we bayanat élan qilish yighini chaqirdi.
Muxbirimiz jüme
2009-05-26
Share

Dunya Uyghur qurultiyi élan qilghan bayanatta mundaq körsitilgen: " dunya Uyghur qurultiyi, sherqiy türkistandiki Uyghur xelqining hörlüki, öz teqdirini - özi belgilesh hoquqi, démokratiyisi we kishilik hoquqi üchün tinch yosunda küresh qilishini dawamlashturidu".

Bayanatta yene, dunya Uyghur qurultiyi xelq'ara jama'etni Uyghur xelqining hörlük we démokratiyige bolghan teshnaliqini qollash üchün xitaygha ünümlük tedbirlerni qollinip bésim ishlitishke chaqirghan.

Dunya Uyghur qurultiyi bayanatta, xitay hökümitini térrorluqni bahane qilip Uyghurlar ustidin yürgüzüwatqan basturush qilmishlirini derhal toxtishishqa chaqirghan we xitay hökümitini tinchliq yoli tutushqa we " sherqiy türkistan mesilisini dunya Uyghur qurultiyining wekilliri bilen söhbet ötküzüsh arqiliq hel qilish," qa dewet qilghan.

Axbarat élan qilish yighinigha, dunya Uyghur qurultiyi re'isi we Uyghur milliy herikitining yétekchisi rabiye qadir xanimgha wakaliten, qurultayning yéngidin saylan'ghan bayanatchisi alim siyitof we we bir qisim munasiwetlik shexsler qatnashti.

Alim siyitof dunya Uyghur qurultiyi 3 - nöwetlik yighinining nahayiti muweppeqiyetlik ayaghlashqanliqini, mezkur yighigha dunyaning her qaysi jayliridin kelgen 112 neper wekil we 40 neper közetchining qatnashqanliqini ilgiri sürdi.

Yighin'gha amérika dölet ichi we xelq'ara metbu'at organlirining muxbirliri qatnashti we qurultay re'isi rabiye qadir xanim we gu'entanamo Uyghurliri heqqide so'allarni sorashti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet