'Sherqiy türkistanning xitay xelq jumhuriyitining hökümranliqidiki 60 yili' mawzuluq yighin we d u q ning bashqa pa'aliyetliri bashlinish aldida turmaqta

Dunya Uyghur qurultiyining amérika paytexti washin'gtonda ötküzidighan qurultiyining échilish harpisida her qaysi ellerdin teklip qilin'ghan wekiller bir - birlep amérika paytextige yétip kélishke bashlidi.
Muxbirimiz ümidwar
2009.05.17

Dunya Uyghur qurultiyining élan qilishiche, 18 - maydin taki 24 - mayghiche bolghan ariliqta washin'gtonda Uyghur heptisi süpitide bir qatar pa'aliyetler ötküzülüsh belgilen'gen bolup, dunya Uyghur qurultiyining 3 - qurultiyidin bashqa yene düshenbe küni döletlik démokratiyini ilgiri sürüsh fondida "sherqiy türkistanning xitay xelq jumhuriyitining hökümranliqidiki 60 yili" mawzuluq muhakime yighini bashlanmaqchi.

Mezkur muhakime yighinida dunya uygur qurultiyi re'isi rabiye qadir xanim mexsus nutuq sözligendin bashqa yene amérikining bir qisim ataqliq démokratiye ishliri mutexessisliri qatniship, doklat bermekchi.

Bularning ichide döletlik démokratiyini ilgiri sürüsh fondining re'isi karil girishman, wakaletsiz milletler teshkilatining bash katibi marino busdachin, tom lantos insan hoquqi komitétining diréktori hans xogréfé ependi we bashqa munasiwetlik mutexessislermu bar.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.