D u q xitay da'irilirining atushtiki meschitlerge qaratqan cheklimini kücheytkenlikini eyiblidi

Dunya Uyghur qurultiyi bayanatchisi dilshat rishitning radi'omizgha bildürüshiche, atushtiki yerlik hökümet da'iriliri atushtiki diniy zatlarni yighiwélip, ularni yerlik hökümet teripidin chiqirilghan atushtiki meschitlerge kirip namaz oquydighanlarni cheklesh heqqidiki kélishimge imza qoyushqa mejburlighan.
Muxbirimiz méhriban
2011.12.27
Share on WhatsApp
Share on WhatsApp

Dilshat rishitning bayan qilishiche, 23-dékabir küni da'iriler atush tewesidiki 22 meschitning imami we bashqa diniy zatlarni yighiwélip, ularni öz da'irisidiki kompartiye ezaliri, hökümet xizmetchiliri, dem élishqa chiqqan hökümet kadirliri, oqughuchilar hem 18 yashtin töwen ösmürlerning meschitke kirip namaz oqushini cheklesh toghrisidiki kélishimge mejburiy imza qoydurghan.

Da'iriler yene diniy zatlarni agahlandurup, eger ular bu kélishimge imza qoyushni ret qilsa, yerlik hökümetning ulargha bériliwatqan teminatni toxtitip, ularning qolidiki diniy telimat élip bérishqa ijazet bérilgen kinishkining bikar qilinidighanliqini bildürgen.

Dilshat rishit öz bayanatida yene, xitay hökümitini eyiblep, da'irilerning yéqindin buyan sherqiy türkistanda élip bériwatqan bu xil diniy cheklimilirining rayon weziyitini téximu murekkepleshtürüp, Uyghurlarning naraziliq heriketlirining köpiyishige seweb bolidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.