D u q yaponiye parlaméntida qurulghan Uyghur dostluq guruppsigha minnetdarliq bildürdi

Yaponiye parlaméntida bügün 20 parlamént ezasidin teshkillen'gen Uyghurlarni qollash guruppisi qurulghan.
Muxbirimiz shöhret hoshur
2012.04.23

Mezkur guruppa bügün mexsus murasim ötküzüp guruppining qurulghanliqini élan qilghan we Uyghurlarning insaniy heq-hoquqlirini qoghdash üchün tégishlik xizmet qilidighanliqini bayan qilghan.

Bu munasiwet bilen bügün dunya Uyghur qurultiyining bash katipi dolqun eysa radi'omizda pikir bayan qilip, yaponiye parlamént ezalirigha we yapon xelqige minnetdarliqini bildürdi. Dolqun eysa sözide mundaq dédi: mezlum Uyghur xelqining ahu zari yaponiye parlaméntigha yétip bardi؛ yaponiyidiki parlamént ezaliri bu awazgha qulaq sélish arqiliq yapon xelqining erkinlik we kishilik hoquqqa qarita yüksek hörmet we tewrenmes meydanini ipadilidi.

Dolqun eysa sözide yene, mezkur guruppining qurulushi Uyghur mesilisining dunya siyasiy sehniside tonulushi we qollashqa érishishide türtkilik rol oynapla qalmastin, xitay dölitining öz mesililirini tonush, chüshinish we hel qilishidimu ijabiy rol oynaydu, dep qaraydighanliqini we buni ümid qilidighanliqini bayan qildi.

Dolqun eysa sözining axirida yapon xelqige Uyghur mesilisini chüshendürüshte muweppeqiyetlik qedemlerni bésiwatqan yaponiye Uyghur jem'iyitigimu medhiye oqudi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.