Uyghur élide éghiz - tuyaq yallughi bir qeder tiz derijide tarqilishqa bashlighan

Bu yil 4 - aydin bashlap Uyghur élide éghiz - tuyaq yallughi bir qeder tiz derijide tarqilishqa bashlighan. "Xitay xewerler tori" da körsitishiche, mezkur késel bilen yuqumlan'ghuchilar bu yil 4 - ayning kéyinki yérimidin hazirghiche bolghan bir ay jeryanida 383 ke yetken we bir adem ölgen. Ürümchi yuqumlinish nisbiti jehette birinchi orun'gha ötken.
Muxbirimiz jume
2010.05.15

Xewerde körsitishiche, éghiz - tuyaq yallughi 5 - ay kirgendin buyan eng tiz taralghan bolup, mezkur késellikte yuqumlan'ghuchilar Uyghur élining 14 wilayet - oblastida ortaq körün'gen. Yuqumlinish 6 yashtin töwen balilarda eng éghir bolup, bu yashtiki balilarning yuqumlinish nisbiti 92.5 Pirsentke yetken.

Nöwette yerlik hökümet da'iriliri mektep we yeslilerde dézinféksiye qilish we aldini élish ishlirini bashlighan.

Éghiz - tuyaq yuqumluq késelliki xitayda bir qeder kop uchraydu. Xewerlerge qarighanda xitay sehiye ministirliqi axbarat élan qilip, bu yil 7 - mayghiche xitayda 430 ming balining mezkur késellik bilen yuqumlan'ghanliqi, bularning ichide 260 nepirining ölüp ketkenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.