Ékologiyilik mesile sewebidin Uyghur élige qurulmaqchi bolghan bir zawut qurulushi toxtitip qoyuldi

Uyghur élide mis kéni échish we mis éritish bilen shughulliniwatqan shishin shirkiti, Uyghur élige qurmaqchi bolghan yene bir zawut qurulushini qolgha keltürüsh üchün tirishchanliq körsitiwatqanliqini bildürgen.
Muxbirimiz jüme
2011-01-17
Share

Roytérs xewer qilishiche, shishin sana'et cheklik shirkiti Uyghur élige yiligha 100 ming tonna mis ishlep chiqidighan éritish zawut qurush pilanini otturigha qoyghan.

Halbuki, xitay döletlik ékologiyilik muhitni qoghdash ministirliqi zawut keltürüp chiqiridighan ékologiyilik buzghunchiliqni közde tutup, ötken hepte shirketning mezkur qurulush pilanini ret qilghan.

Xewerde neqil qilishiche, shishin shirkiti bayanatchisi jang jinji: "biz téxi hökümetning bu heqtiki höjjitini tapshurup almiduq. Höjjet qolimizgha tegsila؛ tepsiliy qarap chiqip, qurulushni ölchemge yetküzüshke tirishimiz " dégen.

Melum bolushiche, shishin shirkiti eslide mezkur zawut qurulushini 2012-yili ishqa kirishtürüshni pilan qilghan.

Ilgiri mutexessisler xitay shirketlirining Uyghur éli qézilma bayliqlirini talan-taraj sheklide échishi netijiside, Uyghur éli ékologiyiside eslige keltürgüsiz buzulush yüz bériwatqanliqini otturigha qoyghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet